ASTERIX E ODERSO – Berto “Albert” Uderzo (1927-2020) el ze stà un fumetista franseze, fiol de emigranti in Fransa: só pare el jera veneto orizenario de Piovene, inte’l vizentin, e ła mare toscana. El só nome el ze sèłebre in tuto el mondo par gaver inventà e desenjà, a partir da’l 1959 insenbre co René Goscinny, ła serie de “Asterix“, a dir el fumeto franseze pì vendùo, łeto e tradoto (110 łengue) inte’l mondo. Uderzo el ze senpre stà łigà a łe só orìzene venete e a i parenti che’l gavéa inte’l vizentin ma, soratuto, a ła sità de Oderso che da cueła łu el fazéa derivar el só nome de fameja, tanto da vizitarla pì volte. Curiozità: el parsonajo de Asterix el ze un Gało antigo abitante de la rejon stòrega de l’Armòrega, inte’l nord de ła Fransa, e Caio Jułio Sézare inte’l só łivro De Bello Gallico el parla, varda cazo, de’l pòpoło de i cusì diti “Veneti de l’Armòrega”!
Da’l Łunaro Veneto 2022, Łujo in 4 artìgołi:
- ŁUJO/1 – PIERO CARDIN DA SAN ANDRÈA
- ŁUJO/2 – UN SARTO FUTURISTA
- ŁUJO/3 – ASTERIX E ODERSO
- ŁUJO/4 – I BAGIGI E ODERSO
