ACUA ŁAGUNA – el tèrmene de fantazìa <<Acua Łaguna>> el ze stà doparà inte’l manga japoneze One Piece – un fumeto tra i pì defondesti a’l mondo – par definir un fenòmano de inondasion de’l mar somejante a l’alta marea che ła vien inte ła Łaguna Veneta.
L’acua łaguna el ze un evento che’l se verìfega inte ła sità-ìzoła imazinaria ciamà Water Seven, a dir na anbientasion che ła ze un ciaro omajo a ła sità de Venesia da’l ponto de vista urbanìstego e architetònego: de fati ła sità ła ze traversà da canałi co rive e fondamenta, e’l stile de i pałasi el ze el gòtego venesian.
Par de pì l’ìzoła ła ze sèłebre e rinomada par i só cantieri navali e ła braura de i carpentieri. Ła sità ła par téndar verso l’alto parché i edifisi novi i ze costruìi sora coełi veci che, pian pian, i vien somersi da l’acua.
~
Da’l Łunaro Veneto 2020, Agosto in 4 artìgołi:
- AGOSTO/1 – ACUA ŁAGUNA
- AGOSTO/2 – NEO VENESIA SO MARTE
- AGOSTO/3 – CAVAZZANO e CECCHETTO
- AGOSTO/4 – OCUPASION RESCRITA
