GIORGIO CAVAZZANO e MARCO CECCHETTO – I ze do fumetisti veneti de fama intarnasionałe. Cavazzano, venesian de’l 1947, el ze stà autor inte’l 2003 de ła prima aventura de l’Omo Ranjo ideà e anbientà a Venesia: l’albo el se intìtoła “L’Omo Ranjo e’l segreto de’l viero“, el ze stà prodoto da ła Panini Comics.
Marco Cecchetto, Doło clase 1975, el łaora – desenjando pa’ la testada Amazing Spider Man – inte ła scuadra de desenjadori de ła Marvel Comics, na caza mericana de edision de fumetti tra łe pì inportanti a’l mondo.
I do artisti i ga resevùo el premio “Nuvole in Veneto”, un reconosimento asenjà a i autori veneti de fumeti: Cavazzano inte’l 2017 e Cecchetto inte’l 2019. El premio, inte’l 2018, el ze stà asenjà a’l sèłebre Milo Manara, artista veneto de adosion.
~
Da’l Łunaro Veneto 2020, Agosto in 4 artìgołi:
- AGOSTO/1 – ACUA ŁAGUNA
- AGOSTO/2 – NEO VENESIA SO MARTE
- AGOSTO/3 – CAVAZZANO e CECCHETTO
- AGOSTO/4 – OCUPASION RESCRITA
