Veneto & Motori (4/4): CANPION de FÒRMUŁA 1

CANPIONADO DE’L MONDO DE FÒRMUŁA 1 – Inte l’edision de’l 1992 A se ga łaureà vise canpion de’l mondo, dadrìo de Nigel Mansell, el piłota veneto Riccardo Patrese (Pava, 1954).

El piłota pavan el ze stà canpion de’l mondo co i kart, canpion itałian e eoropèo de Fòrmuła 3 e’l ga coresto in Fòrmuła 1 da’l 1977 a’l 1993 par 256 Gran Premi, un record restà inbatùo par 15 anni, e vinsendo 6 gare.

Veneto el ze anca Luca Badoer (Montebełuna, 1971), piłota inte ła màsema fòrmuła da’l 1993. Par ben 12 ani, e 132.000 km parcorsi, el ze stà cołaudador a ła Ferrari.

L’ex piłota braziłian Rubens Barrichello, vise canpion de’l mondo inte’l 2002 e 2004, el ze de orìzene venete parché só nono Joani, nativo de Rieze Pio X, el jera emigrà in Braziłe inte’l 1885.

~

Da’l Łunaro Veneto 2020, Novenbre in 4 artìgołi:

  • NOVENBRE/1 – SCUDERÌA SERENÌSIMA
  • NOVENBRE/2 – RONCADE
  • NOVENBRE/3 – ENRICO ZENO BERNARDI
  • NOVENBRE/4 – CANPION de FÒRMUŁA 1
Dizitałizasion de’l testo de Novenbre 2020 de’l Łunaro Veneto 2020.
Reprodusion autorizà da Academia de ła Bona Creansa