ŁE VIŁE VENETE A’L DÌ DE ANCÒ – A’l dì de ancò łe viłe venete łe ze testimonianse architetòneghe de gran vałor evocadivo e par de pì łe raprezenta de i senji, inte’l teritorio odierno, de inportante vałor paezajìstego. Senji che co’l tenpo i vien senpre pì de difìsiłe łetura ma che i ne dà ła raprezentasion presiza de cueło che’l jera el modeło de’l paezajo veneto produtivo cusì come che’l jera stà pianifegà inte ła só època. E de fati uncora deso łe viłe łe conserva tuta la só potensialidà de proporse cofà realtà produtive e funsionałe. L’Istitudo Rejonałe Viłe Venete el ga censìo, a’l 2020, 3.807 viłe in Veneto e 436 in FVG. De tute ‘ste cuà 2.059 łe ze vincołàe e 24 łe ze stà prozetàe da’l Paładio. L’86% in Veneto e l’81% in FVG łe ze de proprietà privada. In Veneto el 9% łe ze de titołaridà pùblega o mista e el 5% de proprietà ecleziàstega.
Da’l Łunaro Veneto 2023, Zenaro in 4 artìgołi:
- ZENARO/1 – ŁA SIVILTÀ VENETA IN VIŁA (1/4)
- ZENARO/2 – ŁA SIVILTÀ VENETA IN VIŁA (2/4)
- ZENARO/3 – ŁA SIVILTÀ VENETA IN VIŁA (3/4)
- ZENARO/4 – ŁA SIVILTÀ VENETA IN VIŁA (4/4)
