Bałintondo de’l Batimarso

BAŁINTONDO DE’L BATIMARSO

(voze: Erica Boschiero, parołe: Gianluigi Secco)

Soni, soni, son
de’l brondho fondo,
son ardhentini
de i canpanełi,
fan, fun e fret
bat i bat bandói,
brondho, brondho
senti come che sona el brondho,
bała in tondo
bała, bałon in tondo!

Tornerà ła primavera
zgionfa d’erba e pra de fiori,
e de tsighe de bocete
che i cor via par i pra nói,
a ciapar łe łuzariołe
da inpisar łe not pì fonde,
par confónderle co’l dì
co’l calduts che’n fià’l ne ondhe.

Soni, soni, son….

Dai strasina ‘ste cadhene
che łe canta via de łongo,
fin in cao de łe crozere
fin a łe tsezure in fondo,
che ‘sti canp devente zgionfi
e che i sciope in bone biadhe,
parché łe acue sìe giułive
par fontane e par contrade.

Soni, soni, son….

Ła canson ła ze stà scrita da Gianluigi Secco e cantà e publegà inte’l 2012 da ła cantora cadorina Erica Boschiero che, co ‘sto brano, ła ga vinto inte’l 2013 el Festival Corde Libere a’l teatro Geox de Padoa. El testo de ła canson el parla de ła rituałità e spirituałità de’l cusì dito “batimarso” (o anca “bruzamarso”) che’l coresponde a’l Cao de l’Ano segondo ła antiga tradision veneta.