L’ùltema ora de Venesia

L’ùltema ora de Venesia, 22 agosto 1849

Versi de Arnaldo Fusinato: “L’ultima ora di Venezia” (1849). Tradusion veneta “L’ùltema ora de Venesia” de Alessandro Mocellin (©2016). Cantà da Alessandro Mocellin (2019), sora łe note de “La guerra di Piero” de Fabrizio De André (1968).

L’aria ła ze turbia
l’onda stuada
e a’l siłensiozo
pozol sentada
in sołitaria małinconìa
te vardo e łàgremo
Venesia mia.

So i infranti ànpołi
fin a’l ponente
el ragio spèrdarse
de’l sol moriente
e tristo el sùfoła
par l’aria inbruna
l’ùltemo zèmare
de ła łaguna.

Sorte na góndoła
de ła sità
“Vu de ła góndoła,
che novità?”
ła piaga ła bruza
el pan el ne manca
so’l ponte ła zvéntoła
bandiera bianca.

Nò, no sta’ spléndare
so ‘sti małani
sołe de i òmeni
mai pì par ani
e so ła vèneta
frusta fortuna
mèmore el zèmare
de ła łaguna.

Venesia, a l’ùltema
ora rivada
łustra ti màrtire
ti ze ormài ndada
ła piaga ła bruza
el pan el ne manca
so’l ponte ła zvéntoła
bandiera bianca.

Né bałe fiamante
infogonàe
né miłe sciantizi
sora łe to spałe
troncar de i łìbari
to dì łe rame
viva Venesia
morir de fame.

So łe to pàzine
scolpisi o Storia
d’altri i małinjie
de ti ła gloria
e siga el mondo
“tre volte infame
chi’l vol Venesia
morta de fame”.

Viva Venesia
tremenda e fiera
deféndar d’ànemo
ła só bandiera
ma ła piaga ła bruza
el pan el ghe manca
so’l ponte ła zvéntoła
bandiera bianca.

E deso sfràntate
cuà so na pria
uncora łìbara
o cetra mia
a ti Venesia
‘st’ùltemo canto
‘st’ùltemo bazo
‘st’ùltemo pianto.

Èzułe e sperso
in cal foresta
cara Venesia
inte ła me testa
ti sarà ‘l tenpio
cuà inte’l me cor
cofà l’imàzine
de’l primo amor.

Ma’l vento el sùfoła
l’onda ła ze scura
ma tuta in zèmare
l’è ła natura
łe corde łe sìgoła
ła voze ła manca
so’l ponte ła zvéntoła
bandiera bianca.

E deso sfràntate
cuà so na pria
uncora łìbara
o cetra mia
a ti Venesia
‘st’ùltemo canto
‘st’ùltemo bazo
‘st’ùltemo pianto.

Ma’l vento el sùfoła
l’onda ła ze scura
ma tuta in zèmare
l’è ła natura
łe corde łe sìgoła
ła voze ła manca
so’l ponte ła zvéntoła
bandiera bianca.

 

Leggi altri articoli: