Piova (Radiofiera)

PIOVA
(mùzega: Radiofiera, parołe: Ricky Bizzarro)

Son stà negà da na masteła piena de acua santa,
son stà sugà e piantà drito su ‘sta tera.
I me ga dito camina par ‘sta strada,
ma ła go trovada co łe ranpe masa streta.

Vòltate, vòltate dai…
…dai torna caza,
gìrate, gìrate dai…
…vien tor l’onbreła,
e no ghe ła moła mai de far ‘sta piova…
e no ghe ła moła più chisà che ła zbała…

Si son sicuro adeso me ło ricordo,
si son sicuro cualcuno me ło ga dito,
che prima o dopo
i te prezenta el conto,
te pol sigare e piànzar ma no star sconto…

Vòltate, vòltate dai…
…dai torna caza,
gìrate, gìrate dai…
…vien tor l’onbreła,
e no ghe ła moła mai de far ‘sta piova…
e no ghe ła moła più chisà che zbała…

E ghe ze giorni che me sento na strasa,
e più che bestemo e più scaravasa,
e ora penso che go fato na capeła,
podéo portarme
ła drio cheła małedeta onbreła…

Vòltate, vòltate dai…
…dai torna caza,
gìrate, gìrate dai…
vien tor l’onbreła,
vòltate, vòltate dai…
…ze senpre cueła,
gìrate, gìrate vanti…
vien tor l’onbreła…

e no ghe ła moła mai de far ‘sta piova…
e no ghe ła moła più chisà che zbała…
e no ghe ła moła mai de far ‘sta piova…
e no ghe ła moła più chisà che zbała…

Vòltate, vòltate dai…
gìrate gìrate dai…
vòltate, vòltate dai…
gìrate gìrate dai…

Canson contenjùa inte l’albo intitołà “Piova”, publegà da i Radiofiera inte’l 1995

Leggi altri articoli:

Łuna

ŁUNA (2019)(Andrea Scarcia) Cuante parołe scoltade de sconto fra le stełe in noti de argento cuanti segreti incastrài inte’l vento...

VAI ALL'ARTICOLO >>