Me Ciamo Fora
(mùzega de i Radiofiera – parołe de Ricky Bizzarro)
Pare dime ti se no convien
saltar sora un batel e łasarse ndar,
zo co ła corente,
zo sensa far njente,
zo fin dove che te zbrasa el mar.
Pare dime ti se go zbajà
co go stacá chel Cristo inciodà,
ło go cavà da ła croze,
ło go netà da łe broze,
almanco adeso el dorme distirà.
Mi no me va
‘sto ndar de sfrozo
‘sto tenpo insulso, ‘sto sol vełenozo.
No me va
chi spùa su’l piato
chi prega Dio par vìnsar a’l Loto,
no me va… me ciamo fora… no me va…
Mare dime ti se bastarà
restar tuta ła me vita inzenocià,
par védar el paradizo,
manjar na scueła de rizo,
e vìvar sensa èsar bastonà.
Mare dime come che se fa
far finta de no védar tuto el mal,
zbasar ła testa, i oci
davanti a ‘sti peoci,
‘sti vermi boni njanca pa’ pescar,
Mi no me va
star sito e basta
davanti a un mona co ła testa basa,
No me va
un cuor che trema,
na łingua morta, łàgrime in tera,
no me va… me ciamo fora… no me va…
Parché ‘sto sol anca se inorba
anca se’l bruza ło go pagà,
come el dołor te piega ła schena
cusì l’amor te drisa el cuor.
Mi no me va
‘sto ndar de sfrozo
‘sto tenpo insulso, ‘sto sol vełenozo.
No me va
un cuor che trema,
na łingua morta, łàgrime in tera,
no me va… me ciamo fora… no me va…
No me va
‘sto ndar de sfrozo
‘sto tenpo insulso, ‘sto sol vełenozo,
No me va
chi spùa su’l piato,
chi prega Dio par vìnsar a’l Loto,
no me va… me ciamo fora… no me va…
Canson contenjùa inte’l disco “Atinpuri”, publegà da’l grupo trevizan de i Radiofiera inte’l 2011. Ła varsion de’l video ła ze ciapà da un conserto da’l vivo sonà in direta par Radio Veneto Uno inte’l 2014.
