De łà da l'Osèano (3/4): PATRIARCA VENETO (E PO' PAPA)… IN BRAZIŁE

PATRIARCA VENETO (E PO’ PAPA) … IN BRAZIŁE – El Patriarca de ła Venesia, Albino Luciani, de orìzene cadorina, a inisio novenbre de’l 1975 el ze stà in vìzita pastorałe a Ivorá, che ła jera l’antiga “Nova Ùdine”, in Braziłe, rendesta flòrida, siben picenina, da emigradi veneti-furlani.

El só pasajo el ze testimonià anca da na targa e da un monumento fora de ła Cieza de Ivorá, intitołada a San Izepo. Albino Luciani el zera un veneto de orìzene e Patriarca de ła Venesia, e donca de i Veneti, no’l ze mìa stà un Patriarca come tanti, mìa soło pa’l fato che tri ani dopo el sarìa stà ełezesto Papa.

Łe testimonianse orałe de’l posto łe ne conta che el dì che el ze pasà inte ła comunità de “Vale Vêneto”, distreto de’l Comun de “São João do Polêsine” a pochi chiłòmetri da Ivorá, el futuro Papa el gapie scomisià in italiano l’omełìa inte na cieza piena de zente, ma dopo aver considarà sinpategamente che i prezenti i jera fasilmente tuti Veneti come łu, el ga scomisià a parlar veneto diretamente.

~

Da’l Łunaro Veneto 2019, Otobre in 4 artìgołi:

Dizitałizasion de’l testo de Otobre 2019 de’l Łunaro Veneto 2019.
Reprodusion autorizà da Academia de ła Bona Creansa