ŁA VITA – Francesco Fernando Arfieri el ze stà un maistro de scrimia pavan che’l ga vivesto inte el XVII sècoło. El nome de Arfieri el ze lustro pa’l só contribudo so ła tratadìstega de ła arte de ła guera, par èsar stà Maistro de Arme inte ła Academia Delia – na sconparsa institusion da educasion miłitare pavana siesentesca – par ben dizdoto ani.
ŁA NOMÈA – Arfieri el ze na fegura de spico inte el panorama de ła scrimia, che ła jera el sport prensipałe de ła só època. In ‘sta arte el ze stà retenjesto un fin scrimiador da i coevi, gavendo vinto tuti i duełi che el ga ingazà. Ła só manuałìstega ła ga influensà ła scrimia. El ze stà infati anpiamente mensonà inte łe ovre posteriore, pur sendo stà critegà par aver portà poche inovasion inte’l conpleso so na arte che, fursi, ła scominsiava venjer manco in cuando a’l tramonto de ła arma bianca: El Spadon l’è l’ùltemo łibro so ‘sta arma che, romài, ła jera drio desconparir da i canpi de bataja.
Da’l Łunaro Veneto 2025, Febraro in 2 artìgołi:
- FEBRARO/1 – FRANCESCO ARFIERI (1/2)
- FEBRARO/2 – FRANCESCO ARFIERI (2/2)
