ŁA CAJÙA DE L’INPERO ŁATIN – inte’l 1259 ła situasion ła zera drio mudar vełosemente soratuto inte i teritori bizantini: l’Inpero de Nisèa el zera drio reconcuistar tuti i teritori de cueło łatin sercando de repristinar l’Inpero bizantin. Inte’l 1261 Miciel Pałeòłogo el riva a reconcuistar Costantinòpołi. ’Sto suceso el zera stà parmeso da’l tratado de Ninfèo che’l gaveva stabiłìo na ałeansa tra i bizantini e i zenoezi, che i gaveva fornìo ła flota par l’inpreza. I zenoezi i deventava ałora i prinsipałi ałeài de l’inpero ricostituìo, in ciara funsion antivenesiana, otenjendo cusì baze comersiałe nove (soratuto el cuartier de Gàlata a Costantinòpołi) e un bon ałeà in Oriente. Venesia ła manda donca numaroze flote par deféndar i só posedimenti inte l’Ezèo e in Terasanta, gravemente menasài. A ła fine ła ze bona de vìnsar bataje inportante, cofà cueła de Seteposi (1263), meténdose in pozision de vantajo inte ła guera.
Da’l Łunaro Veneto 2022, Novenbre in 4 artìgołi:
- NOVENBRE/1 – SAN SABA, ŁE CÀUZE
- NOVENBRE/2 – SAN SABA, SCONTRI IN TERA SANTA
- NOVENBRE/3 – SAN SABA, ŁA CAJÙA DE L’INPERO ŁATIN
- NOVENBRE/4 – SAN SABA, ŁA PAZE
