“DE NATURALIBUS NATURALITER” – Se fin poco tenpo indrìo A se credeva che’l mondo el fuse stà creà da Dio e che tuto el fuse bon venjendo da ła só sapiensa granda, deso i fenomeni naturałi, a dir cuełi che semo boni de védar direto co i oci, i vien studiài drio cuel “conósar par càuze” aristotèłego che cusì tanta bona sorte ła ga ’vùo, e che uncora ła ga, inte l’Ocidente. Alberto Manjo, un de i pì noti fiłòzofi aristotèłeghi de’l tenpo, el ga doparà l’espresion: “de naturalibus naturaliter”, che ła vol dir che par discórar de ła realtà cusì dita “naturałe”, in contrapozision a cueła soranaturałe che ła se sconde a i sensi, A se ga da doparar un mètodo conforme eła e che’l varde direto a l’espariensa. A no ze mìa un cazo, defati, che propio da ’sta sità veneta A sipie nasesto ła revołusion sientìfega.
Da’l Łunaro Veneto 2023, Febraro in 4 artìgołi:
- FEBRARO/1 – PIERO DE ÀBANO (1/4)
- FEBRARO/2 – PIERO DE ÀBANO (2/4)
- FEBRARO/3 – PIERO DE ÀBANO (3/4)
- FEBRARO/4 – PIERO DE ÀBANO (4/4)
