Veneta matemàtega (2/4): ŁUNA

ŁUNA – Inte’l satèłite naturałe de ła Tera A ghe ze du crateri dedegài a parsonałità venete sèłebre par el contribudo che łe ga łasà inte ła siensa.

El cratere “Fracastoro” el ze dedegà a Ziròłamo Fracastoro (Verona, 1476 – Afi, 1553) a dir un mèdego, fiłòzofo, astrònomo, jeògrafo e łetarà veneto, considarà cofà un tra i pì grandi mèdeghi de tuti i tenpi, autor de’l tratado “De contagione et contagiosis morbis” (1546) che’l ze a l’orìzene de ła patołozìa moderna.

Invese el cratere “Fra Màuro” el ze intitołà a’l mònago camaldołeze Màuro, che’l ga vivesto inte’l Cuatrosento darente de’l monastiero de San Miciel in Ìzoła inte la Łaguna Veneta. El mònago el ze recordà pa’ ver pùbregà el só sèłebre planisfero de’l 1450 che’l ze considarà cofà ła suma straordenarìa de’l saver jeogràfego de l’època.

El cratere co’l só nome el ze stà esplorà inte’l 1971 da i astronàuti mericani de ła mision łunar “Apollo 14“.

~

Da’l Łunaro Veneto 2019, Setenbre in 4 artìgołi:

  • SETENBRE/1 – Na paroła: ÀBACO
  • SETENBRE/2 – Un posto: ŁUNA
  • SETENBRE/3 – Un parsonajo: JÀCOPO FRANSESCO RICATI
  • SETENBRE/4 – Un evento: “L’ARTE DE L’ABBACO”
Dizitałizasion de’l testo de Setenbre 2019 de’l Łunaro Veneto 2019.
Reprodusion autorizà da Academia de ła Bona Creansa

Lascia un commento