Ła ze na pianta tìpega europèa, da nialtri A ła se cata inte ła fasa che ła va da’l Castanjaro a’l Fagaro donca so na fasa cołinare pì fresca co prediłesion par ła mezonbra, no ła ze tanto frecuente inte i boschi.
In pianura el Tejo no el se cata inte’l só anbiente naturałe, i reziste ben parò i ezenplari che A ghe ze, co i vien metesti zó inte i parchi o i viałi stradałi.
L’inportansa sacra de’l Tejo par i veneti ła ze atestada da sècołi e par cuesto inte’l Veneto A ze prezenti du comuni, pì un inte’l Friułi, du de montanja e uno de pianura, che i ga inte ła só aràldega un Tejo: Tejo Veneto (Teglio Veneto, in provinsa de Venesia a’l confin co el Friułi) e San Vit de Cador (San Vito di Cadore, inte’l Bełuneze) e Łuzevera (Lusevera, in provinsa de Ùdene).
~
Da’l Łunaro Veneto 2020, Zunjo in 4 artìgołi:
- ZUNJO/1 – TEJO
- ZUNJO/2 – COMUNI CO’L TEJO
- ZUNJO/3 – PHILIP MILLER
- ZUNJO/4 – BAŁOTORNO SO’L TEJO
