El canale de Łeme, el ze el fiordo pì grando de l’Adriàtego. El se cata inte ła parte sentro meridionałe de l’Istria e presizamente tra Orsera e Rovinjo.
El ze łongo scuazi 13 km e łargo 600 metri e el ze in realtà ła parte somersa de na vałe càrsega co łe coste in parte boscoze che łe ghe dà l‘aspeto de un canyon.
Sto’ nome cuà el par che’l derive da’l łatin”limes“che A vol dir “confin, frontiera”, defati antigamente el fazeva propio da confin tra łe do sità de Parenso e Rovinjo.
L’acua co un contenjudo baso de sałe e tante sostanse àside ła ga favorìo na serta varietà de piante e animałi e ła ze partegołarmente adata par zlevar sù òstreghe e peoci. Ła zona ła ga fato parte de ła Repùblega Veneta par sècołi.
~
Da’l Łunaro Veneto 2020, Zenaro in 4 artìgołi:
- ZENARO/1 – EL BUCINTORO
- ZENARO/2 – CANAL DE ŁEME
- ZENARO/3 – PIERO ORSÈOŁO II
- ZENARO/4 – FESTA DE ŁA SENSA
