Dark Reinassance (2/4)

L’idèa – Gran apasionà de storia medievałe ma no soło: Strukul, defati, el ze anca gran apasionà de videozoghi, e l’è proprio łu che’l ne dize come che’l ga ciapà a’l zoło l’ocazion: “El ze senpre stà el me sonjo cueło de scrìvar par un videozogo, l’è un mondo che’l me ga senpre intrigà e che ghe son rento cofà zogador. I produtori i vołeva un zogo che’l fuse de anbientasion renasimentałe e i me ga dimandà a mi, łasàndome łìbaro […] co’l soło òbligo beło de métar intrà i parsonaji da catar chi che l’è da’l bon ezistìo e el ga fato ła storia de l’èpoga, cofà, par ezenpio, Łeonardo da Vinsi e Marsiłio Fisino”.