Architetura de’l Siesento veneto II (1/4)

BALDASAR ŁONGHENA (Venesia, 1596 – 1682) – El scomisia el mistier rento el sistema corporadivo venesian parché só pare el jera un tajapiera de orìzene bresane. Pur sendo de fameja popołare el Łonghena el gavarà modo de studiar łe òpare e ła tècnega de Serlio, Paładio e Scamosi deventando co’l tenpo el primo architeto venesian espresion de ła sìnteze tra ła fegura tradisionałe de’l proto e cueła de l’architeto de cultura clàsega e łìbaro de prozetar segondo łe só idèe, un roło che vanti de łu el jera senpre stà prerogadiva de i maistri architeti de ła Teraferma. Da’l 1640 a’l 1682 el ze stà Proto de ła Procuratia de supra, ła càrega pì alta par un architeto a Venesia.