Ła vita – Poło Veneto, apeładivo de Poło Nicołeti, el ze stà un fiłòzofo e teòłogo medievałe visùo intrà el XIV e el XV sègoło. Fioło de un venesian, co’l gaveva cuatòrdeze ani el ze intrà da i eremitani de S. Stefano de Venesia par po’ pasar gran cuota de ła só vita inte’l convento de Pàdoa. Da chive, inte’l 1390, el ze ndà Oxford da’l Studium senpre de i eremitani, onde che’l ghe restarà par altri tri ani e onde che, come che vedaremo, el farà sue serte istanse de ła łòzega venjeste fora da ła sità angleze. De pì, senpre cuà, no’l pol che vènjar a contato co łe idèe de’l noto teòłogo John Wyclif, morto un paro de ani indrìo. Co’l torna caza, Poło el taca insenjar Padoa e, soratuto, el porta inte l’ànbito acadèmego itałian cuestion sue de ła łòzega angleze, anca grasie a i só tratadi.
Da’l Łunaro Veneto 2024, Zunjo in 4 artìgołi:
- ZUNJO/1 – POŁO VENETO (1/4)
- ZUNJO/2 – POŁO VENETO (2/4)
- ZUNJO/3 – POŁO VENETO (3/4)
- ZUNJO/4 – POŁO VENETO (4/4)
