Dark Reinassance (4/4)

El protagonista – Marco Badoer, el protagonista de ła nostra aventura, el ze ben dezviłupà e caratarizà. Come che ne spiega el só autor, el ga “za caratarìsteghe e storia che’l podarìa deventar el protagonista de na graphic novel o de na serie de fumeti, co Venesia che a só volta ła ze protagonista conpanjo parfeta par darghe łogo a storie e intrighi, e a mi me par che ’sto cuà el pose èsar un paso scuazi obligatorio”. Un condotiero veneto, Venesia e el Renasimento: un zogo che’l fa vìvar, sensa mai sidiar e in manjera senpre ativa e intaradiva, na realtà stòrega siora de idèe e de parsonaji che ła storia i ła ga fata, e de aventure in volta par tuta l’Europa e el Meditaraneo.