Ła Guera de i Streti (4/4)

I SCONTRI IN SARDENJA E ŁA FINE DE ŁA GUERA – Ła guera ła sèita uncora par calche ano, anca pa’l controło de ła Sardenja conteza tra el Renjo de Aragona e ła Repùblega de Zenoa. Venesiani e aragonezi i otien donca na vitoria so łe forse nemighe inte ła bataja navałe de Porto Conte, visin Alghero. Zenoa ła ze parò bona de métar da novo in canpo na flota e ła sconfize cueła venesiana inte ła bataja de Portołongo inte l’Ezèo. Ła diplomasìa venesiana, parò, ła ze bona de sfrutar ła situasion interna a ła sità rivałe, dove che A ghe zera discordie tra fasion e ła zera de fato ndà soto el controło de i Visconti. I senjori de Miłan i zera fortemente intaresài a un acordo de paze e, viste łe ałense de Venesia co figure importante cofà l’inperador zarmànego, A se riva a un acordo tra Venesia e Zenoa che el stabiłise ła fine de i scontri sensa nesun canbiamento stratèzego inportante.