Arborèa (2/4)

ARCHITETURA – Arborèa, contenjidora de testimonianse architetòneghe, el dopoguera de’l primo conflito mondiałe, ła ditatura, el segondo conflito, drioman ła recostrusion e ła reforma agraria. Patrimonio monumentałe, testimone vivente de ła multiètnega cultura de’l posto, parfetamente łezìbiłe, fato su co na eterozeneità de contribudi che i rende ùnjoła ‘sta sitadina. Ecletizmo vernacołare, espresion renasimentałe e rezistro liberty inte ła scoła e inte łe viłe paronałe, neomedievałizmo par ła cieza. Funsionałizmo machìnego de łe idròvore e el rasionałizmo meditaraneo inte łe struture de’l rezime e inte cuełe de ła reforma agraria. I raprezenta un całedoscopio architetònego, vero łezìbiłe par intiero, el raprezenta una de łe èpoghe pì prometente de’l panorama espresivo architetònego europèo.