ŁE CÀUZE – Par conpréndar ła situasion precedente a ła tersa guera tra Venesia e Zenoa A se ga da considarar ła situasion asà vantajoza godùa da ła sità łìgure par via de’l tratado de Ninfèo stipułà co Bizansio durante ła Guera de Cùrsoła. El tratado el ghe reconoseva a Zenoa enormi priviłeji comersiałi a l’interno de l’Inpero e l’estromision de i só nemighi, soratuto i venesiani, da i teritori romani. In partegołare Zenoa ła połe cusì dezviłupar un controło miłitare e comersiałe ben supariore a calsìase rivałe inte’l Mar Mazor (el Mar Nero), area de fondamentałe inportansa in cuanto porta prefarensiałe a i tràfeghi co l’Oriente móngoło e persian, bazà so na sòłida rede de cołonie, in partegołare Cafa in Crimèa e el cuartier Gàłata de Costantinòpołi.
Da’l Łunaro Veneto 2024, Novenbre in 4 artìgołi:
- NOVENBRE/1 – ŁE CÀUZE (1/4)
- NOVENBRE/2 – L’AŁEANSA CO ARAGONEZI E ROMANI (2/4)
- NOVENBRE/3 – ŁA BATAJA DE’L BÒSFORO (3/4)
- NOVENBRE/4 – I SCONTRI IN SARDENJA E ŁA FINE DE ŁA GUERA (4/4)
