Arborèa (1/4)

STORIA – Arborèa el ze un paeze de 3.845 abitanti de ła Sardenja sentro-ocidentałe in provinsa de Oristan. Ła ze nasùa inte’l 1928 co’l nome de “Villaggio Mussolini” inte ła tenjuda de ła “Società Bonifiche Sarde”, fondada inte’l 1918 e presiedesta da’l vizentin Zułio Dolseta. Inte’l 1931, par vołer de’l fasismo, l’è deventà comun co’l nome de “Mussolinia di Sardegna” par canbiar danovo nome inte’l 1944 in “Arborèa”. Inte’l 1922 la Sosietà ła ga tacà co i łaori de bonìfega agraria e idràułega che ła ga portà a far su so’l modeło de ła casina veneto-lonbarda i sete sentri cołòneghi de Tanca del Marchese, Ala Birdis, S’Ungroni, Pompongias, Linnas, Torrevecchia, conpletài inte’l 1924. Ła bonìfega idràułega ła se ga concludesto inte’l 1934, co’l prosugamento de’l stanjo de Sassu.