Architetura de’l Siesento veneto II (3/4)

ŁA BAZÉŁEGA DE SANTA MARÌA DE ŁA SAŁUTE – Cieza de Stato prozetà da’l Łonghena inte’l 1631 cofà ex voto dapò ła Peste Manzoniana. L’architetura monumentałe e de gran efeto sienogràfego – vista ła funsion de edifisio pa’l serimoniałe pùblego – ła ze senpre ispirà a’l claseghizmo de Paładio e Scamosi. L’inpianto a rotonda otagonałe, co ła poderoza cùpoła, el fonde mirabilmente l’interno – co łe 6 capełe radiałe e el presbiterio – a ła scałinada esterna a 5 ranpe. Łe sienogràfeghe vołute so’l tanburo esterno łe ze ełementi barochi inte un contesto uncora de rasionałizmo zeomètrego. El łenguajo baroco el sarà vantà in pien da’l Longhena pì tardi, co ła Cieza de i Carmełitani Scalsi (1649).