Architetura de’l Siesento veneto II (4/4)

ŁA VIŁA SCONPARSA A SAN BIAZIO – A metà ‘600 łe fameje patrisie venesiane łe scomisia a sełebrar el só prestizo anca co łe viłe senpre pì sfarsoze in Teraferma. I Da Łese, dapò de’l pałaso a Canarejo, i incarga el Łonghena de prozetar anca ła viła a Roarè de San Biazio (1656) inte ła Marca Trevizana. Maldestin ła fàbrega paronałe ła venjarà buta zo inte’l Otosento ma da i desenji recuparài A se capise che ła jera parte de un conpleso produtivo agrìcoło ben struturà e integrà inte’l paezajo de ła basa pianura trevizana. De ła manjìfega architetura de’l Łonghena, a parte i desenji, A ze restà solche na tore in canton che ła ze sede de ła moderna azienda vitivinìcoła Fioravanti Onesti.