El “reałismo” de Oxford – Poło el se ga ocupà par primo de łòzega, scuminsiando scrìvar ła só Logica parva (“Lòzega picenina”) co’l zera Oxford, òpara che ła se ga sparpanjà zvelto in volta. Influensà in manjera senjifegadiva da łe dotrine “reałiste” de l’univarsità de Oxford, Poło el sostien come che i univarsałi i sipie da’l bon reałi, a dir entità metafìzeghe che łe se tien su da só posta. Inte ’sto parìodo, A ze vivo ła cusì dita “discusion sora i univarsałi”, che ła vede ła corente “reałista” contro cueła “nominałista”. ’Sta ùltema teze ła ze in contrapozision co cueła de Poło, za che ła sostien che i univarsałi i ze solche “flatus vocis”, come dir “fià de ła voze”, a dir che i ze solche boni de nomenar calcosa, sensa parò gaver co l’ente nomenà un raporto esensiałe e donca no i ga mìa vałor e no i se refarise a njente.
Da’l Łunaro Veneto 2024, Zunjo in 4 artìgołi:
- ZUNJO/1 – POŁO VENETO (1/4)
- ZUNJO/2 – POŁO VENETO (2/4)
- ZUNJO/3 – POŁO VENETO (3/4)
- ZUNJO/4 – POŁO VENETO (4/4)
