Łe fortifegasion de Trevizo (1/4)

I muri – Inte’l corso de’l Medioevo ła sità de Trevizo ła se ga dotà de varie senture de fortifegasion par protèzarse da i atachi nemighi. L’ùltema costrusion ła remonta a’l sècoło XIV, cuando che Trevizo ła zera sircondà da un muro merlà che ła definiva el parìmetro sircołare de’l sentro sitadin. Ma co l’avento de l’Età moderna e de łe nove potente artiłiarìe da asedio conposte de canoni A ze stà necesario reałizar un novo tipo de fortifegasion. In ocazion de ła Guera de Cambrai el Cosejo de i Dieze el ghe comisiona inte’l 1509 a Fra’ Giocondo ła costrusion de łe nove defeze: A vien trati zo i veci muri medievałi e fata su na nova strutura pì basa e conpata a terapien co un muro esterno de cuarełi, asà pì adata a resévar i colpi de łe arme da fogo nemighe.