DISTIŁARÌA NARDINI
Ła prima graspa in Itałia, nasesta da ła prima distiłarìa itałiana, ła ze ła Nardini de Basan. Fondà da Bórtoło Nardini inte’l 1779 co sede soto el Ponte Vecio, inte’l 1797 ła distiłarìa Nardini ła ze stà atacà da l’ezèrsito franseze de Napołion, che retenjéndoła uno de i sìnbołi pì inportanti de ła rejon el ga dezvodà łe sisterne de rame piene de graspa. Inte’l 1860 el nevodo de’l fondador, anca łu Bórtoło, el ga introduzesto un mètodo de distiłasion de’l tuto novo: mìa pì co fiama direta so łanbichi de vero, ma na distiłasion a vapor che ła parmeteva de otenjer ła stesa cuałità par tuti i łitri de prodoto. Łe sarpe doparàe łe vien da ła zona cołinar de l’alto Veneto e de’l Friułi-Venesia Julia. Asà apresadi, a’l dì de ancó: ła Tagliatella, el Mezzoemezzo e ła graspa Riserva.
Da’l Łunaro Veneto 2024, Zenaro in 4 artìgołi:
- ZENARO/1 – SPÌRITI VENETI (1/4)
- ZENARO/2 – SPÌRITI VENETI (2/4)
- ZENARO/3 – SPÌRITI VENETI (3/4)
- ZENARO/4 – SPÌRITI VENETI (4/4)
