Piana de Marsèzina (1/4)

Pozision e clima – Ła piana de Marsézina ła ze un pianoro łogà inte ła parte nordorientałe de l’Altopian de i Sete Comuni, divizo tra i comuni de Ènego, Foza, Gałio e Aziago inte ła parte veneta e el comun de Grinjo in cueła trentina. Ła piana ła ze nota pa’ łe tenparadure asà rìzide durante ła stajon invernałe, tanto da èsar stà definìa ła “Finłandia de l’Itałia”. Defati łe tenparadure medie in inverno łe ze mediamente de -20° ma, a farghe vadanjar el soranome, A ze stà ła rezistrasion record, inte’l 2005, de ła tenparadura de -34°, un vałor mai rezistrà in Itałia. A cauzar ’sto zbasamento de ła tenparadura cusì sinjifegadivo ła ze ła partegołare pozision e conformasion de’l posto, siben che l’altesa media de’l pianoro ła sipie torno i 1400 metri so’l łiveło de’l mare.