EL SIESENTO INTE’L PAVAN – Ła sità de Padoa, inte un zgajo clima culturałe stimołà anca da ła prezensa de Galileo Galilei, ła sarà caraterizà da i numarozi prozeti – de ispirasion scamosiana – de l’architeto, matemàtego e cartògrafo Vincenso Doto. A Valsanzibio inte i Cołi Euganèi ła fameja patrisia de i Barbarigo, tra’l 1619 e’l 1665, ła comisiona na viła co un parco grandiozo e monumentałe. El parco el ze inpostà cofà un parcorso inisiàtego e neoplatònego che – tra fontane, statue, presioze esense ezòteghe, na grota e un łabirinto – el va a condur el vizitador fin a’l fronte de ła fàbrega paronałe, raprezentando cusì ła metàfora dantesca de’l camin de l’omo verso ła salvesa.
Da’l Łunaro Veneto 2024, Desenbre in 4 artìgołi:
- DESENBRE/1 – EL SIESENTO INTE’L PAVAN (1/4)
- DESENBRE/2 – EL SIESENTO A VARONA E VICENSA (2/4)
- DESENBRE/3 – EL SIESENTO TRA MARCA E BEŁUMAT (3/4)
- DESENBRE/4 – ŁA ROTONDA DE ROVIGO (4/4)
