EL SCOMISIO PADOA – Momento fondamentałe par l’invìo de l’umanézemo el ze el sìrcoło de studiozi padoani che i ga oparà da ła fine de’l ’200. In partegołar ła fegura pì nota ła ze cueła de Łovato Łovati (1241-1309), notaro padoan che’l se ga dedegà a sercar manoscriti de łe òpare de i antighi. Ła só descoverta pì granda ła ze stà cueła de’l testo de łe trazedie de Sèneca. El ga scrito daspò un comento a łe trazedie e el ga conponesto na só rancura poètega, łe Epistole metricae. El ze łu po’ a ‘ver catà ła tonba prezunta de l’eròe Antènore, mìtego fondador de ła só sità. Altre parsonaji importanti i ze stài Zeremìa da Motanjon (1255-1321), conpiłador de na rancura de sitasion da un gran nùmaro de autori antighi rari e poco conosùi, come anca Albertin Musato (1262-1329), autor de ła prima trazedia medievałe de modeło clàsego, l’Ecerinis.
Da’l Łunaro Veneto 2022, Desenbre in 4 artìgołi:
- DESENBRE/1 – ŁA REDESCOVERTA DE L’ANTIGO
- DESENBRE/2 – EL SCOMISIO, PADOA
- DESENBRE/3 – VITORIN E GUARINI
- DESENBRE/4 – BESARION E ALDO MANUSIO
