ANDRÈA PAŁADIO (1/4) – Architeto veneto (Padoa, 1508 – Mazer, 1580) el nase a Padoa, durando łe Guere de ła Łega de Cambrai, inte na fameja popołare. El pare el jera Piero, dito “de ła Góndoła”, e ła mare Marta dita “ła Sota”. Inte ła fraja de i tajapiera de Vicensa el ze rezistrà cofà: “fioło de Piero da Pàdova monaro, garzon de maistro Zuane e maistro Jeròłimo”. El deventa el caostìpite de l’architeto moderno grasie a’l conte Zanzorzi Trìsino (conjosesto inte’l cantier de Viła Crìcołi) che ło forma culturalmente (dà łu el vien el nome d’arte Palladio) e che ło porta a Roma par studiar da’l vivo l’architetura clàsega antiga. A Roma el ghe ndarà 3 volte tra’l 1541 e’l 1547, e anca inte’l 1550-54 insenbre co Daniełe Bàrbaro, inportante e colto patrisio venesian, che’l sarà el só segondo méntore. De fati inte’l 1556 i pùblega ła prima edision fiłołòzega de’l “De architectura” de Vitruvio.
Da’l Łunaro Veneto 2023, Setenbre in 4 artìgołi:
- SETENBRE/1 – ANDRÈA PAŁADIO (1/4)
- SETENBRE/2 – ANDRÈA PAŁADIO (2/4)
- SETENBRE/3 – ANDRÈA PAŁADIO (3/4)
- SETENBRE/4 – ANDRÈA PAŁADIO (4/4)
