VINCENSO SCAMOSI (1/2) – (Vicensa, 1548 – Venesia, 1616) vivesto tra’l tardo renasimento e’l primo baroco el se autocuałìfega “ARCHITETTO VENETO“. Omo colto e studià, el ze stà definìo el “pare inteletuałe de’l neoclaseghizmo” (Wittkower) par via de’l só mètodo sientìfego e fiłołòzego. El ga łaorà a Venesia e in tuto el Stato Veneto, ma’l ga anca viajà traverso l’Eoropa par studiar na varietà granda de òpare e łenguaji architetòneghi. Durando la só cariera el se ga inpenjà a conpletar ła costrusion de vari edifisi prozetài da’l Paładio (cofà Ła Rotonda, el Teatro Ołìnpego – e sua ła ze l’orizenałe sienografìa de łenjo uncora ezistente – e altre viłe paładiane), ma anca łe Procuratìe Nove e ła Biblioteca Marciana de’l Sansovin in Piasa San Marco. Inte’l 1615 el pùblega L’idea dell’architettura universale nà òpara de vałor ensiclopèdego che par łongo tenpo ła sarà doparà cofà manuałe da i architeti eoropèi.
Da’l Łunaro Veneto 2023, Majo in 4 artìgołi:
- MAJO/1 – VINCENSO SCAMOSI (1/2)
- MAJO/2 – VINCENSO SCAMOSI (2/2)
- MAJO/3 – STORIA VIŁE VENETE (1/2)
- MAJO/4 – STORIA VIŁE VENETE (2/2)
