Zuan Doménego Tièpoło (3/4)

Zuan Doménego Tièpoło (3/4): Ła viła de Zianigo – Inte’l pìcoło paezeto de Zianigo, poco distante da Miran, A ghe ze ła viła che Doménego el reseve in eredità da’l pare. Vivéndoghe par tanto tenpo, el ghe depenze varie serie de afreschi, tra i pì famozi de ła só produsion. A ze intaresante poder védar, inte ’sto cazo, ła produsion de un pitor che’l łaora par łu łu soło e so un arco tenporałe de ben cuaranta ani. A ze difìsiłe catarghe un fiło temàtego a tuti ’sti só łaori, divizìbiłi tra cuełi de sojeto mitołòzego e contenporaneo (famozo cueło de “El Mondo Novo”). Un roło tuto suo ła ło ga ła figura de Pulcinella, sìnboło de vitałità e de’l carnevałesco multiforme, tanto cara a Doménego.