Inte’l gheto (Elvis Presley)

INTE’L GHETO

(parołe: Mac Davis, voze: Elvis Presley)

Intant che zoła ła neve,
inte na freda e griza matina de Chicago
A nase un fantołin poareto,
inte’l gheto (inte’l gheto).

E só mama ła pianze
parché se ghe jera na roba che no ła ghe servìa
A jera n’altra boca da sfamar,
inte’l gheto (inte’l gheto).

Zente, A no capì mìa
che i putełi i ga biò de na man che i łi jute
o un dì i venjarà su cofà zóveni rabiozi.
Varda ti e mi,
 simoi masa orbi par védar?
Simoi nu che in bona voltemo el cao e vardemo da n’altra banda?

Bon, el mondo el va vanti
e un boceta sfamegà e co’l znarocio
el zoga par strada co’l vento fredo che’l supia,
inte’l gheto (inte’l gheto).

E’l só stómego el ze zlangorìo
e cusì el scumisia a nar de pindołon de note
e l’inpara a robar e a menar łe man,
inte’l gheto (inte’l gheto).

E po’ inte na note piena de desperasion
el tozato el scanpa via,
el cronpa na pistoła, el roba na màchina
el proa a mocàrseła ma no’l va distante,

… e só mama ła pianze

intant che na fraca ła se fa torno a un tozo inrabià
co’l muzo in tera par strada e ła pistoła in man,
inte’l gheto (inte’l gheto).

E fin che’l tozo el more
inte na freda e griza matina de Chicago
n’altro fantołin el nase,
inte’l gheto (inte’l gheto).

E só mama ła pianze…
(inte’l gheto)
(inte’l gheto)
(aah-aah)

Ła canson, scrita da’l cantautor meregan Mac Davis, ła ze stà cantà e publegà da Elvis Presley inte’l 1969, deventando de sèito disco de oro co pì de 500.000 copie vendùe. Ła varsion de’l video ła ze na ezecusion da’l vivo ciapà da i conserti a Las Vegas de’l 1970.