Tenpo (Pink Floyd)

TENPO

(parołe: Roger Waters, mùzega: Pink Floyd)

I momenti che i fa su un dì de noia i core vanti
e ti A te strasi e te buti via łe ore de stornełon
a tirar peade a na sopa de tera da łe to bande
a spetar che che calcun o calcosa el te mostre ła via.

Straco de vìvar soto el sol, A te resti caza a vardar ła piova
A te si zóvane e ła vita l’è łonga e ancó A gh’è tenpo da copar,
e cusì un dì A te vedi che te ga łasà indrìo dieze ani
nisuni i t’à dito cuando corar, A te ga mancà el zbaro de partensa.

Łora A te cori e cori par vantar el sol, ma’l ze drio nar zo
el te core intorno par tornar drio de ti,
in tuti i modi el sol el ze senpre łu, ma ti A te si pì vecio
co’l fià curto e un dì pì visin a morir.

Onji ano el se scurta de pì, A par de no catar mai el tenpo
i piani che no i porta a njente o meza pàzena scarabocià,
picarse a na desperasion chieta l’è ‘l costume angleze.
El tenpo l’è ndato, ła canson A ze fenìa,
A go pensà che gavarìa calcosa in pì da dir.

Caza
uncora caza
A me piaze star cuà
cuando che poso,
cuando che torno caza
straco e inbrozà
A ze fin gusto scaldarme i osi
darente el fogo.

Distante
traverso el canpo
el toco de ła canpana de fero
el ciama i fedełi in zenocio
par scoltar el magheso susurà.

Ła canson Time (“Tenpo”) ła ze contenjùa inte l’albo The Dark Side of the Moon (“El Łato Scuro de ła Łuna”) publegà da i Pink Foyd inte’l 1973, e dapò publegà anca cofà disco sìngoło intel’ 1974.

Un commento su “Tenpo (Pink Floyd)”

Lascia un commento