ŁENGUA E CONPUTASION – ła łenguìstega conputasionałe ła ze na disiplina sientìfega par inplementar ła łengua naturałe inte’l łenguajo informàtego. Un tra i pionieri pì inportanti de ‘sto canpo el ze stà el revarendo Roberto Buza, jezuita, łenguista e informàtego veneto nasesto a Vicensa intel’ 1913. Inte’l 1946 el gavéa maurà l’intension de far na verìfega automatizada de’l łèsego de Tomazo d’Acuino e, inte’l 1949, el ga conjosùo el presidente meregan de l’IBM che’l ghe ga meso a despozision i primi calcoładori a schede zbuzàe. Inte’l 1980, daspò de 30 ani de łaoro, el revarendo el ga conpletà l’edision a stanpa de l’ “Index Thomistucus”, na òpara ùnega e fondamentałe de 56 vołumi, co 70.000 pàzene e 11 mełioni de parołe. Ła prima stanpa de ła storia fata sù co ła fotoconpozision dizitałe.
~
Da’l Łunaro Veneto 2021, Febraro in 4 artìgołi:
- FEBRARO/1 – TULLIO POZZAN
- FEBRARO/2 – PADOA E ŁA SIENSA
- FEBRARO/3 – TRATADO DE MEDEZINA
- FEBRARO/4 – ŁENGUA E CONPUTASION
