UN SARTOR FUTURISTA – Piero Cardin el ze recordà in tuto el mondo par èsar stà un artista vizionario e senpre proietà a’l futuro. Inte’l 1959 el ze stà el primo stiłista osidentałe a vèrzar na botega de moda alta in Japon. Inte i primi ani ’60, co ła cołesion Cosmocorps, el introduze tesudi de materiałi sintèteghi creando ła cusì dita “moda futurista”. Inte’l 1966, ispirà da łe mision spasiałi de l’època, el fa su cołesion senpre pì de vanvardia pa’l desenjo e pa’ i materiałi. Ła só pasion pa’l spasio e l’astronàutega A ło portarà a èsar l’ùnego siviłe a ver indosà ła tuta spasiałe de Neil Armstrong. El fato el ze capità inte’l 1971, cuando che Cardin el jera in vìzita a’l “JFK Space Center” de Cape Canaveral in Florida, onde che ła jera custodìa ła tuta spasiałe che ła ze stà indosà de scondion da’l stiłista franco-veneto, dapò de verghe dato na beła mancia a l’omo de ła seguresa.
Da’l Łunaro Veneto 2022, Łujo in 4 artìgołi:
- ŁUJO/1 – PIERO CARDIN DA SAN ANDRÈA
- ŁUJO/2 – UN SARTO FUTURISTA
- ŁUJO/3 – ASTERIX E ODERSO
- ŁUJO/4 – I BAGIGI E ODERSO
