ŁE VARIETÀ GÒTEGHE VENETE (2) – A Venesia el gòtego el riva pì tardi dezviłupandose sora i modełi de Santa Anastazia (Varona) e San Nicołò (Trevizo). El primo rezultado ła ze l’inponente bazéłega de i Frari scumisìà inte’l 1330 e uncora deso ła cieza pì granda de ła sità. Inte’l 1333 scumisia anca ła bazéłega de i SS. Joani e Poło (Zanipoło), che ła enfatiza uncora de pì ła struturałità e ła vertegałità. Łe àbside de ‘ste do cieze łe ga manjìfeghe vetrade a formar parete de łuze, fate co fenestre ogivałi e trafori a ła franseze. Na sołusion za introdota inte’l 1300 a San Marco onde che parò, inte ła trìfora de’l batistero, el desenjo franseze el vien straolto e reinventà doparando i archi inflesi, de orìzene mediorientałe, a ciapar rento i trafori tondi co’l cuadriłobo. Nase cuà el łenguajo de’l gòtego fiorìo venesian che pì vanti el se sparpanjarà in tuta ła Repùblega Veneta.
Da’l Łunaro Veneto 2022, Febraro in 4 artìgołi:
- FEBRARO/1 – ŁE VARIETÀ GÒTEGHE VENETE (1)
- FEBRARO/2 – ŁE VARIETÀ GÒTEGHE VENETE (2)
- FEBRARO/3 – EL PAŁASO DOGAŁE INTE’L 1300
- FEBRARO/4 – LA CAZA VENESIANA MEDIEVAŁE
