LA CAZA VENESIANA MEDIEVAŁE – Fin a’l sècoło XI ła Civitas Rivoalti (Venesia) ła jera scuazi tuta fata su de łenjo. A partir da chel parìodo A se scumisia a far su łe caze de i siori in łaterisio, de pianta retangołare, co’l pòrtego a’l pian teren che’l varda łe fondamenta, o’l canal, co magazeni e negosi, e al 1° pian i vani de abitasion co’l sałon “a cròsoła”: łe arcade che łe core da łongo de la fasada, co’l pièdrito alto e la rìtmega variàbiłe, łe demostra l’influensa de ła maniera grega. A partir da’l ‘300 el gòtego el porta canbiamenti, visto anca el parìodo duro de crize econòmega e sanitaria: ła caza gòtega ła deventa manco sfarsoza e pì domèstega, łe arcade łonghe łe se scurta, in corespondensa de’l sałon, mudàe in ełegante e conpate połìfore, fate de archi inflesi triłobài e trafori in piera de Istria. El sarà ‘sto cuà el modeło anca par i pałasi gòteghi de ła Teraferma Veneta.
Da’l Łunaro Veneto 2022, Febraro in 4 artìgołi:
- FEBRARO/1 – ŁE VARIETÀ GÒTEGHE VENETE (1)
- FEBRARO/2 – ŁE VARIETÀ GÒTEGHE VENETE (2)
- FEBRARO/3 – EL PAŁASO DOGAŁE INTE’L 1300
- FEBRARO/4 – LA CAZA VENESIANA MEDIEVAŁE
