STORIA DE ŁA SIVILTÀ DE ŁE VIŁE VENETE (2/2) – A partir da’l XVI sècoło le vien mese in pràtega chełe colture e chełe sistemasion idràułeghe e fondiarie de łe canpanje che łe portarà a inovar ła produsion agrìcoła de tuto el Stato Veneto, prinsipalmente: soturco, rizo, càneve, vizełe e łe cusì dite colture promiscue (seminadivo + piantade). A vien dato inpulso anca a ła coltura de i bai da seda anca diti “cavałieri”. Un dato asè inportante el ze cueło che scuazi senpre łe viłe łe venjéa fate su darente i corsi d’acua, mìa soło parché i venesiani cusì i podéa rivarghe in barca, ma soratuto parché l’economìa de viła, sfrutando ła forsa motora de łe acue chiete e irezimentàe de i rii de resorziva, ła podéa contar anca so na fiorente atività manufaturiera (mułini, opifisi, fiłande, maji, cartiere…). Par ‘sto motivo i stòreghi de l’economìa i parla da’l bon de na “revołusion proto-industriałe veneta”.
Da’l Łunaro Veneto 2023, Majo in 4 artìgołi:
- MAJO/1 – VINCENSO SCAMOSI (1/2)
- MAJO/2 – VINCENSO SCAMOSI (2/2)
- MAJO/3 – STORIA VIŁE VENETE (1/2)
- MAJO/4 – STORIA VIŁE VENETE (2/2)
