L’ASEDIO ASIRO – Judita ła ze un parsonajo bìblego bastansa noto, protagonista de l’omònemo łibro contenjùo inte’l cànone de’l Vecio Testamento reconosùo da ła Cieza catòłega. Inte’l łibro A se conta de łe guere tra Ebrèi e Asiri, in partegołar de cuando che’l zenarałe asiro Ołoferne el ga asedià ła sità de Betułia (sità dała cołogasion injota, forse in Samarìa). Presto ła situasion pa’ i ebrèi rento ła sità ła deventa dramàtega: el menjar el fenise e i riva fin a nudrirse co łe oferte votive de’l tenpio sitadin. Intanto Judita, na védova de nòbiłe fameja conosùa in paeze pa’ ła só bona condota, ła taca pensar come che ła podese salvar ła só zente da ‘sta situazion parigołoza asà. A ghe vien in mente de ndar da’l zenarałe asiro e de catar na maniera par coparlo, costrenzendo cusì l’ezèrsito nemigo a scanpar fora da’l teritorio ebràego.
Da’l Łunaro Veneto 2022, Agosto in 4 artìgołi:
- AGOSTO/1 – L’ASEDIO ASIRO
- AGOSTO/2 – ŁA ŁIBARASION
- AGOSTO/3 – INTE ŁA ŁETARADURA
- AGOSTO/4 – INTE ŁA PITURA
