Ła Judita inte l’arte veneta 1 (2/4)

ŁA ŁIBARASION – Partìa ałora pa’l canpo asiro, Judita ła va da Ołoferne e ła ghe dize de èsar venjesta par revełarghe na maniera de ciapar ła sità. Ła razon de’l só juto, ła dizeva, ła zera l’enpietà che’l só pòpoło el gaveva demostrà manjando łe oferte votive inte’l tenpio. Cusì ła convinse Ołoferne de èsarghe fedełe e ła ze anca bona de sedurlo co ła só gran bełesa. El zenarałe el parecia ałora un bancheto pa’ ła sera invitando anca Judita, seguro de vìnsar co i conseji de ła dona. Ma co’l bancheto Ołoferne e cheł’altri asiri prezenti i se inbriaga tuti, cusì Judita ła ghe ne aprofita: ła tołe suito na spada e ła ghe taja ła testa a’l comandante aversario, sensa che nesun el podese inpedìrgheło. Łe forse asire łe se cata ałora sensa na guida e łe ga da łasar l’asedio a Betułia. Judita ła ga conpìo ła só mision e ła só storia ła vien scrita zó, parché A se se recorde de’l só eroizmo.