PRIMO ’500 – Ndando in vanti inte l’arte manierista veneta de’l ’500 A se cata Łorenso Łoto, autor de na Judita ciapà inte un momento de dinamizmo fin che ła sconde el sòłito cao, vestìa de tesudi fini e co cołori vivi e łuminozi, come anca de na tarsìa łinjea pa’ ła Bazéłega de Bèrgamo, che ła mostra tuta ła situasion co i asiri inbriaghi, łe tende de’l canpo e, in secondo pian, ła sità de Betułia. Daspò, Palma el Vecio el raprezenta, drio el só stiłe tìpego, Judita cofà na dona robusta che ła emerze da un fondo stroo, che ła streze co forsa ła spada e ła barba de’l zenarałe aversario. Vinsenso Caena, invese, el raprezenta ła sena in maniera ben pì łuminoza e pozà, co na dispozision sìmiłe a i retrati de l’època: ła dona ła mostra un volto seren nonostante el màcabro evento e a conpletar l’imàzine A ghe ze anca na fenestra co un paezajo naturałe de sfondo.
Da’l Łunaro Veneto 2022, Setenbre in 4 artìgołi:
- SENTENBRE/1 – SCOMISIO ‘500
- SENTENBRE/2 – PRIMO ‘500
- SENTENBRE/3 – SEGONDO ‘500
- SENTENBRE/4 – ‘600 E ‘700
