Zuan Doménego Tièpoło (1/4)

Zuan Doménego Tièpoło (1/4): ła vita – El pitor Zan Doménego Tièpoło el ga vivesto l’ùltema stajon artìstega de ła Serenìsima. Nasùo inte’l 1727, el ze stà fioło de Zuan Batista Tièpoło e nevodo de Fransesco e Zan Antonio Guardi, donca A ze ciaro cuanto che za in fameja el fuse łigà stretamente a’l mondo de ła pitura venesiana de’l só tenpo. El ze considarà un imitador e prosecudor de l’òpara de’l pare inte’l só stiłe artìstego: da łu, defati, el ga inparà el mestier łaorando inte ła só botega partindo da i 13 ani e insieme i ga reałizà dełe òpare dove che serte volte Doménego el someja vołer scóndar ła só man drio cueła de’l pare.