Prospetive de Architetura Veneta (1/4): MARMORIN

MARMORIN – El ze na sorte de intònago tradisionałe doparà a Venesia partir da’l XV sècoło che inte i ani el se ga defondesto rento e fora i confini de ła Venetia.

El marmorin doparà cofà strato de finidura esterno el ze na malta in pasta a baze de grasèło de calse stajonada co ła zonta de pólvare e graneła de marmo (ła cusidita “carga łapidea”). El vien destirà, tirà e łisià escluzivamente a man co’l dòparo de spesìfeghe inpreste de metało.

Se’l vien metesto zó co ła tègnega e i materiałi justi un intònago de marmorin el pol durar guałivo par tanti sècołi: defati tanti pałasi veci i conserva ancora el só intònago orizenałe tenjesto pułito.

Par far in modo che’l se conserve ben A ze bona norma darghe sù un strato protetivo finałe che’l pol èsar a baze de ołio de łin, puro o co łate de calse, o senò acua e saon. Un intònago de ‘sto tipo el ze inparmeàbiłe a l’acua ma traspirante a’l vapor da l’interno.

~

Da’l Łunaro Veneto 2019, Novenbre in 4 artìgołi:

  • NOVENBRE/1 – Na paroła: MARMORIN
  • NOVENBRE/2 – Un posto: TONBA BRION A SAN VIO DE INTIOŁE
  • NOVENBRE/3 – Un parsonajo: CARLO SCARPA
  • NOVENBRE/4 – Un evento: ŁA MOSTRA INTARNASIONAŁE DE ARCHITETURA (VENESIA)
Dizitałizasion de’l testo de Novenbre 2019 de’l Łunaro Veneto 2019.
Reprodusion autorizà da Academia de ła Bona Creansa