VENTO
(Do’Storieski: Alberto Cendron & Leo Miglioranza, parołe e mùzega: Alberto Cendron)
Vento che tira vento,
vento che destira mari de formento,
vento che gira, mato de premura,
vento de pianura…
Vento de łà de ła sieza,
vento che te taja come da na sfeza,
vento che rabalta, che buta in tera,
osterìa e cieza…
Vento te cava via ła voze,
vento spavento de małani e broze,
vento strumento, che co’l sona piaze,
sacramento de vento…
Vento che tira e che move,
vento che fa strase de camize nove,
vento che volta, trame co radize,
vento che no scolta…
Vento che deventa venta,
venta che fadiga, rovina e siga,
venta desconta, che no se sa co ła riva,
che ne porta piova…
Vento te cava via ła voze,
vento spavento de małani e broze,
vento strumento, che co’l sona piaze,
sacramento de vento…
Vento te cava via ła voze,
vento spavento de małani e broze,
vento strumento, che co’l sona piaze,
sacramento de vento…
de vento, de vento…
de vento, de vento…
de vento, de vento…
de vento, de vento…
Do’Storieski i ze un prozeto muzegałe nasesto inte’l 2011 da ła cołaborasion tra i do cantautori trevizani Alberto Cendron e Leo Miglioranza co ła zonta de altri muzeghisti. Ła canson “Vento” ła ze contenjùa inte’l primo disco “Osterìa” de’l 2013. Inte ‘sto video A ze proponesta na varsion cantà da’l vivo durando na trazmision par Radio Veneto Uno.
