Invocasion a San Miciełe Arcànzoło
O gloriozo e potente San Miciełe Arcànzoło, che’l to nome el vol dir “Chi cofà Dio?”, Ti, da’l Somo Ben, A te si stà sielto intrà i só servidori fedełi, cofà ła guida che ła se ghe opon a’l Małe, a ła Małinjità e a’l Małinjo, protezi, inte ‘sti dì de sofarensa, tuti i òmeni e cuełi che i se volta verso de ti, insénjaghe el volto mizaricordiozo de Dio.
Sostiene inte’l caminar e scolta łe nostre invocasion.
Vìziła so de nu, jùtane inte ła nostra fraziłità e inpotensa, no sta’ parmétar che manchemo, rancura, de modo partegołar, i maładi e i só famejari, i mèdeghi, i infarmieri e chi che’l ze ciamà a desìdar pa’l ben de tuti.
San Miciełe Arcànzoło, scurta ‘sti dì de proa, fa’ che presto łe strade e łe piase de łe nostre sità e de i nostri paezi, cusì vode ancó e siłensioze e intristìe łe torne anemarse.
Otiene de farse pì boni, che’l ze de partenjerghe de pì a Dio, fonte de onji ben, de onji verità e reconsiłiasion.
San Miciełe Arcànzoło, prega par nu!
+ Fransesco Moraja,
Patriarcha Venetorum
Pa ndar a l’artìgoło co i link de łe altre orasion struca cuà
Tintoretto, “L’Arcànzoło Miciel el conbate Sàtana”, fine ‘500, ojo so teła, 318×220 sm., Gemäldegalerie, Dresda.
