FORNASARI 99, EL SUV VENETO – Ła “Fornasari 99” ła ze stà na vetura artezanałe, dezviłupà intel’ 1998, che pa’ łe só caratarìsteghe tècneghe ła pol èsar retenjùa el primo SUV sportivo de ła storia automobiłìstega, in antìsipo de sincue ani respeto a’l Porsche Cayenne todesco.
Ła ze stà fata sù da l‘azienda “Fornasari”, na caza automobiłìstega artezanałe de łuso, fondà a Vicensa inte’l 1999 da l’inprenditor veneto Giuseppe Fornasari, co ła sede a Montebeło Vizentin, e durada fin a’l 2015. El modeło 99 el montéa motori meregani Chevrolet V8, con potense fin a i 700 cavałi che, insenbrài inte un tełaro in tubi de łega de asaro co caroserìa in fibra de vero e trasion integrałe, i spenzéa ła vetura veneta fin a i 280 km/h de vełosità màsema, e co 3,8 segondi pa’ far 0-100 km/h.
~
Da’l Łunaro Veneto 2021, Łujo in 4 artìgołi:
-
ŁUJO/1 – DA’L MONTEŁO A L’ALFA ROMEO
- ŁUJO/2 – A PADOA ŁA PRIMA AZIENDA AUTOMOBIŁÌSTEGA
-
ŁUJO/3 – UN DRAGO VENETO A MONTE CARLO
-
ŁUJO/4 – FORNASARI 99, EL SUV VENETO
Dizitałizasion de’l testo de Łujo 2021 de’l Łunaro Veneto 2021.
Reprodusion autorizà da Academia de ła Bona Creansa
